ERAKUSKETA

 Burguess Shalekoei aginduta bezala, proiektu bukaeran HARRI, FOSIL eta MINERALEI buruz ikasi dugun guztia ERAKUSKETA batean azaldu dugu.

Erakusketa Sormengelaben antolatu genuen: BURGUESS SHALEeko hormirudia 5Akoek egin zuten, FOSILAK 5Ckoek, HARRIAK 5Bkoek eta MINERALAK 5Dkoek. MARY ANNINGena gaztelanian egin zuten 5Bkoek.

Etxetik ekarritako mineral, fosil eta harriz apaindu genuen erakusketa eta Ingelesean fosilak egin genituen.

Gonbidapenak luzatu genien maila guztietako bakoitzaren letra zuenari. Eta erakusketaren bisita gidatua egin ondoren, nota jarri edo ebaluatu egin behar zuten errubrika bat betez. 

Urduri egon ginen baina asko ikasteaz gain oso esperientzia ona izan da guztiontzat!

FLYSCHak

Lehengo astean, urriak 29an, Flyschetara joan ginen, Zumaiara.

5. mailako lau gelan hiru taldetan banatu ginen. 

10:00etan hasi zen gure ikustaldia eta Algorriko eraikuntzan egon ginen ordu eta erdi. Bertan, bideo bat ikusi genuen Lurraren aldaketaren ingurukoa. Beste gela batean Flyscharen sorrera eta lurrazaleko aldaketak eta beste batean aurkitutako fosilak ikusi eta ikutu ahal izan genituen.

Flyschetan erakutsi ziguten Flyscharen orriak eta gero Debarantz joaten bazara orriak gero eta zaharragoak direla. Bertan  fosil asko aurkitu zituzten eta fosilak ez dira bakarrik animalia eta landare bizidunenk; animalien arrastoak ere fosilak dira. 

Esaten dute Flyscha munduko libururik handiena eta politena dela. Flyschean ez dira bakarrik fosilak aurkitzen, harriak ere bai aurkitzen dira. 

Dinosauroak desagertarazi zituen meteoritoaz ere hitz egin ziguten eta hainbat gauza gehiago. 

Gomendatzen dizuegu Flyscharen bisita egitea eta gidatua baldin bada askoz hobeto.

ZORIONEREN ESPERIMENTUA

Lehengoan Markelen ama etorri zen mineral artifizialak nola egiten diren erakustera. 

Nola egiten dira? Lehenengo 3 baso urez betetzeko esan zigun. Gero, talde bateko baso batean osagai urdin bat bota zion bertako urari. Ondoren, talde bakoitzari gatz kopuru desberdina botatzeko esan zigun eta ondo nahasten aritu ginen txandaka. Bukatzeko, basoko ura plaka batera bota genuen. Eta azkenik, egun batzuk itxaron mineralak bihurtu arte.

 

Markelen ama Zorione da eta geologa da.

5. maila osoarekin egotea nahi genuen, hau da, bere esperientzia guztioi helaraztea, baina tamalez, berak bakarrik ostiral arratsaldeetan ahal zuen. 

Fosilak, mineralak eta gauza asko ekartzeaz gain, oso ondo pasatu genuen!

Mila esker Zorione!

FARMER FISH ERRONKA

 

Orain dela egun batzuk, urriaren 21ean hain zuzen ere, sormen gelaben 5. maila osoa bildu ginen, Farmer Fishekoekin.  Bertan, Farmer fishekoek erronka bat jarri ziguten, arrainontzi bat, arrain bat, landareen haziak, testak egiteko gauzak eta bakteria batzuk bidali zizkiguten erronka hau betetzeko.

 Helburua da BIOZIRKUITO bat eratzea: landareak handitzea eta bakteriak eta arrainak bizirik jarraitzea; arrainek kaka egiten dute, bakteriek moldatu egiten dute landareentzako janaria bihurtuz eta landareek bere janaria hartu eta ur garbia arrainontzira itzultzen dute.

Erronka honek zortzi asteko iraupena dauka. Arrainak datorren astean jarriko ditugu arrainontzietan eta sormengelaben izango ditugu.

Orain arrainei izena jartzea falta zaigu!!!

 

PERRETXIKOAK

 

PERRETXIKOEN STOP MOTIONa egin genuen.

Irteerara joan aurretik, perretxikoei buruz zerbait gehiago jakiteko eta gero besteei zabaltzeko, goian dagoen stop motion bat sortu genuen.

Hemen behean irteeran ateratako argazki batzuk daude. Lokatza ugari eta perretxiko gutxi baina primeran pasa genuen. Ea datorren ikasturtean gehiago dauden! 

Hemen azpian berriz HHko eraikinean utzi genuen ERAKUSKETAren berri ikusten da argazki hauetan. Ilusio izugarria egin zigun txikiak gineneko irakasleak ikustea!

PROIEKTU BERRIA

HARRI, FOSIL ETA MINERAL

Irailaren 23an zuzendaritzakoak etorri zitzaizkigun eskutitz batekin.

Eskutitza Kanadako Burgess Shale aztarnategi famatutik bidaltzen ziguten.

Gutunean jartzen zuen guk erakusketa bat egitea nahi zutela harri, fosil eta mineralei buruz. Gutunean fosil batzuen argazkiak ere bazeuden, adibidez Bathyuriscus edo Marrella.

Hurrengo argazkietan berriz 5. mailako lau gelak Sormengelab-en elkartu ginenekoak dira. Erakusketa prestatzeko elkartu ginen. Orain lanean jartzeko garaia dugu.

IKASTURTE HASIERA

IKASTURTE BERRIA:

Egun batean 5. mailako ate guztiak itxita aurkitu genituen. Gu ingelesetik atera ginenean gure gelako atea ere itxita zegoen, eta paper bat ikusi genuen. 

Bertan, gure gelako plano bat zegoen, mahai bakoitzean zenbaki bat zuela. Gelara sartu ginenean ikusi genuen mahaiak hankaz gora zeudela eta aulkiak berdin. Eta ordenatu egin behar genituen,  planoko ordenean, 15 minutu baino lehen eta soinurik egin gabe. 

Azkenean lortu genuen baina argazkian ikusten duzuen bezala, askotan semaforoa gorrian jarri zen!