STOP MOTION VIDEO. Etwinning project.

6B klaseak bideo bat egin du etwinning proiektuaren barruan. Çanakkale Turquiako ikastetxeetako ikasleekin eta Sorrentoko gure Erasmus partner-ekin batera egindako proiektuaren barruan kokatzen da bideoa. Urarekiko eta ozeanoekiko problematika islatzea da helburua. Ikasturtean zehar elkarlanean aritu gara horri buruz egin daitekeenaren inguruan. Proiektuaren izena CHILDREN OF THE BLUE PLANET izan da. Azken jarduera honetan, kontatzeko askatasuna izan dugu. Hau da gure ekarpena.

 BEIREKO BIGARREN TXANDA

Maitzean ingeleseko barnetegia dugu. Maiatzaren 4tik 8ra 1go txanda eta maiatzaren 18tik 22ra bigarrena.

Hemen gaude, gure bigarren eguna dugu eta hona hemen argazki batzuk.

Eta gauean MUNSTRO BATZUK etorri ziren. 

Eta gaur Anderren urtebetetze eguna denez, oparia jaso du Beirekoengandik. Zorionak Ander  Galarraga🎂!!!!

 

Eta zer iruditzen erreziklatutako materialekin egindako modeloen desfile hau?

Atzo Olitera joan ginen oinez. Pixka bat nekatu ginen baina hala ere arratsaldean jolasteko indarra gelditu zitzaigun.

LIBURUAREN EGUNA

📕📙LIBURUAREN EGUNA📘📗

2025eko apirilaren 23a jaieguna izan zen baina aurten ez. Hori dela eta, hainbat ekintza antolatu dira. Hemen joango gara guztiak azaltzen.

Gaur, eguerdiko 12etan HHra joan gara. HH3tik HH5erako gelak bitan banatu dituzte eta 6. mailako lau gelak talde horietara egokitu gaituzte. 

Lehenengo lana, ipuinaren aukeraketa izan zen, ez da berdina LHko bati irakurtzea edo HHkoei egitea. Liburuak eskolako liburutegitik edo etxetik ekarri ditugu. 

Ondoren, ipuina nola irakurriko genien adostu genuen.

Eta ordua iritsi denean, han joan gara guztiak. Horra hor argazki batzuk. 

Arratsaldeko 16:45ean Sormen Gelaben elkartu gara Salbatore Mitxelena ipuin eta olerki sarituak entzuteko. Inor ez zela etorriko uste bagenuen ere, azkenean talde polita elkartu da.

Oso ipuin politak izan dira, zeharo ezberdinak eta lau lanek asko hunkitu gaituzte bertaratu garenoi.

 

Eta gaur, guraso bat izan dugu gelan 6Bkook. Izaro, Ibaien ama etorri da ipuin motz batzuk kontatzera. Motzak baina bereziak eta pentsatzekoak. Oso tarte polita pasa dugu berarekin. Eskerrik asko!

Maiatzaren 5ean ere beste bisita bat izan dugu. Oraingoan, ingelesezko ipuin bat irakurtzera! Zein? Eilidhen ama, Susan!

Thanks!

MINBIZIAREN INGURUKO TAILERRA

 MINBIZIAREN TAILERRA

Martxoaren 16an, gauzatu genuen tailer hau. Non? Frontoian.

Zergatik? Oso tailer bizia eta dinamikoa izan zelako.

6. mailako bi txandatan banatu ginen: 6B eta 6C 9:00etatik 10:30era eta 6A eta 6D 11:00etatik 12:30era.

Bi txanda hauetan ikasleak hiru multzotan banatu ginen, bakoitza begirale batekin eta ordu erdi pasa ondoren, bestearenagana; hiru

guneetatik pasa arte.

Tailer hau oso lotuta dago lantzen ari garen proiektuarekin, hau da, zelularekin. Azkenean, minbizia zelula hauen gaixotasunarengatik sortzen da. 

Gauza ugari ikasi genituen; elikadura zaintzea zein garrantzitsua den. Hau da, bizitza osasuntsua eraman behar dugu. Kirola egin eta ez erre, edo bapeatu.

Elkarte bat dago gehiago jakin nahi dutenentzat edota minbizia duten pertsonentzat. Gaixotasuna duenak zenbat eta gehiago jakin horri buruz hobe, eta inguruan dutenek ere jakiteak asko laguntzen du eramangarria izaten.

TALDE LANA

👀👂👄 SORMEN GELAB👄👂👀

Hemen ikusten gaituzue talde lanean buru belarri murgilduta.

1.- Pentsatzen: Talde bakoitzak bere horma irudia nola egingo duen pentsatu dugu.

2.- Diseinatu: Nola egingo dugun adostu ondoren, gure diseinua paper txuri batean irudikatu dugu.

3.- Egin: Atzo lan honetan hasi ginen baina pare bat saio gehiago beharko ditugu.

4.- Aurkeztu: Lana bukatzen dugunean, bakoitzak bere gelan aurkeztu beharko dio beste gelakideei.

ERASMUS +

              ERASMUS +       

Atzo, Erasmuseko lagun holandarrak eta eslovakiarrak etorri ziren Zarautza. 6. mailakoen etxeetan daude eta eskola garaian, gela bakoitzak bere eguna du hauekin egotea. 

Hemen goiko bideoa, eskolak egin dien ongi etorriko zinta dantza ikus dezakezue.

Astelehenean 6Akoekin eskola ezagutzeko aukera izan zuten eta gero jolas batzuk egin zituzten.

Gaur, astearte, 6Bkoekin Altxorraren Bila egin dute eskolako baratzean eta bukatzean, sokatira pixka bat egin dute.

Bihar, asteazkena, 6Dkoekin Torreoira joango dira.

Ostegunean Donostia ezagutuko dute eta azkenik, ostiralean, 6Ckoekin batera Zarauzko hondartzara joango dira heziketa fisikoa egitera.

Welcome friends!

ARRATE EGAÑA

🔰✒ ARRATE EGAÑA✒🔰

Otsailaren 27 honetan, bisita bat izan dugu 6. mailakook. Aitortu behar dizuegu ez dela ezustekoa izan, aurrez hitzartutakoa baizik.

Arrate Egañak, liburu askoren artean GILTZA izenekoa idatzi zuen eta Lizardi sarea jaso ere bai. Berak tertulia moduko bat egin nahi zuen baina guk tertulia egina genuenez, beste erabatekoa egiteko eskatu genion. Horregatik, duela hilabete edo, hainbat galdera bidali genizkion eta gaur izan da galdera horien erantzunak entzuteko eguna. 6. maila osoa gehiegi ginenez, bi taldetan banatuta elkartu gara berarekin. Eta non bildu garen pentsatuko duzue? Ba ez da Sormen gelaben izan, liburutegian baizik. Liburu artean eta liburuez hitz egiten.

Idazlearen bizipenez aritu gara eta berezik Giltza liburuko pertsonaien inguruan egin dugu solas. Niko, Bittor, Lili, Morris eta gertatzen zaizkien mila egoerez. 

Baina ez dugu guztia kontatuko. 6. mailakoren bat topatzen baduzue, berari galdetu eta gehiago argituko dizue.